Գարնանային արձակուրդներն անցկացնելու համար ԱՄՆ Տեխաս նահանգից Մեքսիկա ճանապարհորդած տասնյակ ուսանողների մոտ կորնավիրուս է հայտնաբերվել (տեսանյութ)

Գարնանային արձակուրդներն անցկացնելու համար ԱՄՆ Տեխաս նահանգից Մեքսիկա ճանապարհորդած տասնյակ ուսանողների մոտ կորնավիրուս է հայտնաբերվել (տեսանյութ)
Ապրիլ 1 17:47 2020

Գարնանային արձակուրդներն անցկացնելու նպատակով ԱՄՆ Տեխաս նահանգից Մեքսիկա ճանապարհորդած տասնյակ ուսանողների մոտ նոր տեսակի կորոնավիրուս է հայտնաբերվել, գրում է Daily Mail պարբերականը։

Կայքի տեղեկությունների համաձայն՝ Օսթին քաղաքից Մեքսիկայի Կաբո Սան Լուկաս քաղաք մեկնած ուսանողների 70 հոգանոց խմբից 28-ի մոտ նոր տեսակի կորոնավիրուս է հայտնաբերվել։

Խմբի որոշ անդամներ մասնավոր ինքնաթիռով են ճանապարհորդել, մյուսներն էլ՝  կոմերցիոն չվերթներով։ Հայտնի է, որ 28 վարակակրից 4-ի մոտ հիվանդության որևէ ախտանշան չկա։

Կորոնավիրուսով վարակված ուսանողներն արդեն ինքնամեկուսացվել են, հիվանդությունների վերահսկողության և կանխարգելման կենտրոնը կապ է հաստատել օդանավում գտնված բոլոր անդամների հետ և հատուկ զգուշացումներ կատարել։

Նշվում է , որ ուսանողները ճանապարհորդել են այն ժամանակ, երբ Մեքսիկայում թռիչքի վտանգավորության մասին որևէ ցուցումներ դեռևս չեն եղել։  

loading...