Սիրելի կյանքեր փրկողներ, բա այդ ոնց եղավ, որ դուք կյանքերի մասին այդպես անհանգստացող դարձաք․ Է․ Մարուքյան

Սիրելի կյանքեր փրկողներ, բա այդ ոնց եղավ, որ դուք կյանքերի մասին այդպես անհանգստացող դարձաք․ Է․ Մարուքյան
Ապրիլ 1 01:39 2020

Երբ որ մենք ինչ-որ հարցով չենք համաձայնվում քաղաքական մեծամասնության հետ, սկսվում են վիրավորանքները, ատելության խոսք, անտանելի պահվածք: Այդ մասին ֆեյսբուքյան ուղիղ եթերում ասաց «Լուսավոր Հայաստան» խմբակցության ղեկավար Էդմոն Մարուքյանը՝ մեկնաբանելով «Իմ քայլ»-ի նախաձեռնած արտահերթ նիստը աղմկահարույց  «Արտակարգ դրության իրավական ռեժիմի մասին» օրենքում եւ հարակից օրենքներում լրացումներ կատարելու օրենքների նախագծերի փաթեթը ընդունելու վերաբերյալ:

Ըստ Մարուքյանի՝ օրենքի նախագծի քվեարկությունը տապալելուց հետո, «Իմ քայլը» նախձեռնում է արտահերթ նիստ ժամը 17:00-ին, բայց այդ մասին ԱԺ աշխատակազմի ղեկավարը զանգում և տեղեկացնում է իրենց խմբակցության քարտուղարին 17: 05-ին:  «Այսօր ամբողջ նիստի ընթացքում արդարանում էին՝ մենք ձեզ չենք գաղտնալսելու, ժողովուրդ ջան: Այս օրենքը իմաստ կունենար, երե ունենայինք մեկ, երկու, տաս հիվանդ, բայց երբ թիվը 500-ից ավելին է ընդհանրապես անիմաստ է նման իրավակարգավարումը: Երբ ավտոբուսում մարդիկ երթևեկում են իրար շատ մոտ կանգնած, գալ խորհրդարան և խոսել մարդկանց կյանքեր փրկելու մասին, կներեք, լուրջ չէ և անցնում է մանիպուլյացիայի բոլոր սահմանները»:

Մարուքյանը նաև անդրադարձավ կորոնավիրուսի տարածմանը Հայաստանում, հիշեցնելով, որ հիվանդության առաջին դեպքը գրանցվեց մարտի 1-ին, մի քանի օրից Առողջապահության համաշխարահին կազմակերպությունը հայտարարեց պանդեմիայի մասին,մինչդեռ իշխանությունները Հայաստանում քարոզարշավ էին իրականացնում:

«Սիրելի կյանքեր փրկողներ, բա այդ ոնց եղավ, որ դուք կյանքերի մասին այդպես անհանգստացող դարձաք, ու հիմա մանիպուլյացնում եք, ասում եք, այ դուք դեմ եք, ուրեմն չեք ուզում կյանքեր փրկվեն: Ոնց եղավ, որ դուք կյանք փրկող մարդիկ եք, երբ էս ա եղել ձեր վարքը»,- ասաց նա:

loading...