Կորոնավիրուսի հետևանքով կարանտինի մեջ գտնվող մարդկանց բացակայության պայմաններում Պերուի մայրաքաղաք Լիմայի ափ են վերադառնում բազմաթիվ թռչուններ ու ծովային կենդանիներ, հայտնել է երկրի շրջակա միջավայրի նախարարությունը:
«Մենք նկատել ենք, թե ինչպես են հազարավոր ճայեր և խոլահավեր (ծովափերին ապրող մաշկոտն թռչուն) օկուպացրել մեր լճերը, հայտնվել են նաև դելֆիններ և ծովային առյուծներ, որոնց նախկինում չէինք տեսել։ Դա լավ նորություն է»,- նշվում է հայտարարության մեջ:
Լիման գտնվում է Խաղաղ օվկիանոսի ափին, քաղաքի բնակչությունը կազմում է ավելի քան 10 միլիոն մարդ:
Պերուում կորոնավիրուսի պատճառով արտակարգ դրություն է հայտարարվել մարտի 16-ին և երկարաձգվել մինչև ապրիլի 12-ը:
Ներկայում երկրում արձանագրվել է կորոնավիրուսով վարակման 635 դեպք, մահացել է 11 մարդ։