Արագ արձագանքելով ՀՀ կրթության, գիտության, մշակույթի և սպորտի նախարարության կոչին՝ ուրախ ենք հայտնել, որ Թումոն նախարարությանը կնվիրի 50 լավ վիճակում գտնվող iMac համակարգիչներ, որոնք կհատկացվեն այն երեխաներին, որոնք չեն կարողանում մասնակցել առցանց դասերին համակարգիչ չունենալու պատճառով։
Այս մասին հաղորդագրություն է տարածել Թումո տեխնոլոգիական կենտրոնը՝ Facebook-ի իր էջում:
«Դիմում ենք ՏՏ ընկերություններին, հիմնադրամներին, մեր բոլոր գործընկերներին՝ միանալ այս նախաձեռնությանը, որպեսզի ոչ մի երեխա չկտրվի իր կրթական ուղուց»,-ասված է հաղորդագրության մեջ:
