Տունն այրվել է. ընտանիքը հայտնվել է դրսում (տեսանյութ, լուսանկարներ)


Տունն այրվել է. ընտանիքը հայտնվել է դրսում (տեսանյութ, լուսանկարներ)
Ապրիլ 19 16:19 2017

Լոռու մարզի Վահագնաձոր գյուղի բնակիչներ Արմինե և Արթուր Մարտիրոսյաններն օրեր առաջ տանը նստած էին, երբ հանկարծ զգացել են, որ տունն այրվում է: Կինը շտապել է օգնություն խնդրել հարևաններից, որպեսզի ամուսնուն դուրս բերել տնից. Արթուր Մարտիրոսյանն, արդեն մի քանի տարի է, սայլակի օգնությամբ է տեղաշարժվում: Ինքը՝ Արմինե Մարտիրոսյանը փորձել է ինչ-որ բաներ դուրս տանել տնից, որպեսզի կրակի մեջ չհայտնվեն, սակայն չի հասցրել: Մոտ 5 րոպեի ընթացքում տունն ամբողջությամբ այրվել է, ոչինչ չիմնացել, ոչինչ փրկվել չի հաջողվել:

Տան բնակիչ 13-ամյա ԴանիելՄարտիրոսյանը սովորում է գյուղի դպրոցում: Հրդեհի ժամանակ տանը չի եղել, գյուղի վերևում գտնվող անտառում է եղել, ասում է. «Որ հետ եկա անտառից, տեսա` մեր տունն էլ չկա, մենակ պատերն էին երևում»:
Ընտանիքը ժամանակավորապես ապաստան է գտել Վանաձորում բնակվող հարազատների մոտ: Մի քանի օր տիկին Արմինեի եղբոր տանն են ապրել, իսկ այս օրերին էլ ամուսնու քրոջ տանն են բնակվում:

Դանիել Մարտիրոսյանը, մի քանի օր է, դպրոց չի հաճախում, քանի որ ընտանիքը միջոցներ չունի, որպեսզի երեխային ամեն օրտաքսիով դպրոց ուղարկի. Վանաձորից Վահագնաձոր ուղևորափոխադրող ավտոբուսը ճանապարհի անսարքության պատճառով առավոտյան ժամերին չի սպասարկում:
Ըստ նախնական փորձաքննության ու բնակիչների` հրդեհը էլեկտրական տատանումներից է եղել: Մի քանի նմանատիպ դեպքեր նախկինում էլ այլ գյուղաբնակների տներում են եղել:

Վահագնաձորի գյուղապետ Էդիկ Եղոյանն ասում է, թե պատրաստ են ընտանիքին ֆինանսապես աջակցել, բայց՝միայն երկու ամիս անց, երբ բյուջեում գումար կհայտնվի: Գյուղապետն օգնության ակնկալիքով դիմել է նաև մարզային իշխանություններին, դեռևս՝անարդյունք:

Ընտանիքին օգնել ցանկացողները աջակցություն կարող են ցուցաբերել զանգահարելով (093-50-99-16) կամ փոխանցում կատարելով հետևյալ հաշվեհամարներին`
ARMBUSINESSBANK (Արմինե Մարտիրոսյան)
11500257627676 (ԱՄՆ-ից փոխանցումների համար)
11500228421084 (Եվրոպայից փոխանցումների համար)
11500905596955 (ՀՀդրամով փոխանցումների համար)

 

 



loading...