Լոռու մարզի Սարատովկա գյուղի մոտակայքում բռնկված հրդեհի հրդեհաշիջման աշխատանքները փետրվարի 29-ին ժամը 07:35-ին վերսկսվել են և դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 08։30-ին, մարվել՝ 08։45-ին։ Այրվել է մոտ 20-30 հա խոտածածկույթ։
Փետրվարի 28-ին, ժամը 15։46-ին Ճգնաժամային կառավարման ազգային կենտրոն ահազանգ էր ստացվել, որ Լոռու մարզի Սարատովկա գյուղի մոտակայքում այրվում է խոտածածկ տարածք։
Դեպքի վայր էր մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել էր, որ մոտակա սարերի բարձրադիր հատվածում այրվում է մոտ 108 հա խոտածածկույթ:
Ժամը 20:00-ի դրությամբ տարածքի դժվարանցանելիության և մթության պատճառով աշխատանքները ժամանակավորապես դադարեցվել են:
Անտառտնտեսության աշխատակիցների և գյուղապետարանի կողմից սահմանվել էր հերթապահություն:
