Նոր կորոնավիրուսով վարակման առաջին դեպքն Է գրանցվել Պալերմոյում մի իտալուհու մոտ, որն այնտեղ Է եկել Բերգամո հյուսիսային քաղաքից (Լոմբարդիայի մարզ): Այդ մասին վետրվարի 25-ին հայտնել Է Tgcom24 հեռուստաալիքը՝ վկայակոչելով տեղի իշխանություններին, տեղեկացնում Է «Արմենպրես»-ը:
Հեռուստաալիքի տեղեկատվությամբ՝ հիվանդացածը վարակման ախտանշաններով Չերվելոյի հիվանդանոց Է տեղափոխվել երկուշաբթի երեկոյան: Մարդիկ, որոնց հետ նա շփվել Է, ենթարկվել են կարանտինի:
Վերջին տվյալների համաձայն, Իտալիայում կորոնավիրուսի զոհերի թիվը հասել Է յոթի: Ներկայում հայտնի Է Իտալիայում գրեթե 230 վարակվածների մասին, որոնց մեծամասնությունն ապրում Է Լոմբարդիա եւ Վենետո հյուսիսային մարզերում, որտեղ հիվանդության տարածման տեղային օջախներ են առաջացել, հաղորդել Է ՏԱՍՍ-ը: