Հրդեհ ավտոտեխսպասարկման կետում. «1-ԲԻՍ» կանչով դեպքի վայր են մեկնել 4 մարտական հաշվարկ

Հրդեհ ավտոտեխսպասարկման կետում. «1-ԲԻՍ» կանչով դեպքի վայր են մեկնել 4 մարտական հաշվարկ
Փետրվար 22 10:35 2020

Փետրվարի 22-ին, ժամը 01:18-ին Ճգնաժամային կառավարման ազգային կենտրոն ահազանգ է ստացվել, որ Երևանի Զաքարիա Քանաքեռցու փողոցում՝ Ինտերպոլի մոտակայքում, այրվում են ավտոտեխսպասարկման կետեր: Այս մասին հայտնում են ԱԻՆ լրատվական ծառայությունից:

Հրդեհի բարդության «1-ԲԻՍ» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ:

Պարզվել է, որ հրդեհ է բռնկվել Ֆանարջյան 44 հասցեում գտնվող ավտոտեխսպասարկման կետում (մոտ 25 քմ):

Հրդեհը մեկուսացվել է ժամը 01:31-ին, մարվել՝ 01:41-ին: Այրվել է պլաստմասսա, ջերմահարվել՝ դուռը և պատերը:

loading...