Ավտովթար Նորագավիթի «գաի պոստի» հարևանությամբ. բախվել են Infiniti-ն ու Opel Corsa-ն. կան վիրավորներ

Այսօր՝ փետրվարի 20-ին, ավտովթար է տեղի ունեցել Երևանում: Ժամը 11:00-ի սահմաններում Երևանի Նորագավիթի ճանապարհային ոստիկանության չգործող հենակետի հարևանությամբ բախվել են 30-ամյա Շահեն Մ.-ի վարած Opel Corsa մակնիշի 34 DԼ 069 համարանիշի և 42-ամյա Վլադիմիր Ի.-ի վարած Infiniti FX 35 մակնիշի 88 FF 889 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով Opel-ի վարորդ Շահեն Մ.-ն և նրա ուղևոր, 26-ամյա Միլենա Մ.-ն մարմնական վնասվածքներով տեղափոխվել են «Էրեբունի» բժշկական կենտրոն: Օպերատիվորեն ժամանել են Արտակարգ իրավիճակների նախարարության փրկարար ծառայության Երևան քաղաքի փրկարարական վարչության հրշեջ-փրկարարական ջոկատից 1 մատական հաշվարկ: Փրկասրարները հոսանքազրկել են ավտոմեքենաները, փակել գազաբալոնների փականներն ու սահմանազատել տարածքը: Օպերատիվորեն ժամանել են նաև ՃՈ 1-ին սպայական գումարտակի ծառայողները: Վթարի մասին Երևանի ՃՈ օպերատիվ կառավարման կենտրոնի պատասխանատու հերթապահ Արսեն Հարությունյանը տեղեկությունը փոխանցել է Ճանապարհային Ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հերթապահ խումբը՝ հետաքննիչի գլխավորությամբ, ում կողմից փաստի առթիվ նյութեր են նախապատրաստվում: Ժամանել են նաև ապահովագրական ընկերությունների ներկայացուցիչները: