Սիրիայի կառավարությունը հայտարարել է Հալեպի միջազգային օդանավակայանի վերաբացման մասին: Այս մասին այսօր հաղորդել է սիրիական «Ալ Իհբարիա» հեռուստաալիքը:
Հալեպի օդանավակայանը, ըստ սիրիական հեռուստատեսության, աշխատանքը կվերսկսի արդեն գալիք չորեքշաբթի` առաջին չվերթն ընդունելով Դամասկոսից:
Առաջիկա օրերին նախատեսված է նաև կանոնավոր չվերթներ իրականացնել Հալեպի և Կահիրեի միջև: Հալեպի օդանավակայանը աշխատանքը դադարեցրել էր 2013 թվականին` քաղաքում զինված ընդհարումների ամենաակտիվ փուլում: