«Սրան վերջակետ դրեք». Սեյրան Օհանյանը հակադարձում է վարչապետին


«Սրան վերջակետ դրեք». Սեյրան Օհանյանը հակադարձում է վարչապետին
Հունվար 29 17:45 2020

Պաշտպանության նախկին նախարար Սեյրան Օհանյանն այսօր ԱԺ ապրիլյան պատերազմի հանգամանքներն ուսումնասիրող քննիչ հանձնաժողովում պատասխանել է հանձնաժողովի անդամների հարցերին։

Հանձնաժողովի նիստից հետո նա լրագրողների հետ զրույցում անդրադառնալով հարցին՝ այսօ՞ր էլ եք կարծում, որ քննիչ հանձնաժողով ստեղծելը սխալ էր, Սեյրան Օհանյանը պատասխանեց, որ զուգահեռ քննարկման արդյունքում եկել են այն եզրակացության, որ հանձնաժողովը պետք է իր աշխատանքները շարունակի և եզրակացնի։

«Ես այդ հանձնաճողովը չէի ձևավորի կամ այդ հանձնաժողովին պաշտպանության վերաբերյալ առանձին հանձնարարություն կլիներ, որպեսզի առանձին աշխատեն Պաշտպանության նախարարության ղեկավարության հետ։ Բայց քանի որ ստեղծվել է, այն մեր պետական կառույցում է ստեղծվել, ապա այն պետք է իր աշխատանքները շարունակի և ես էլ իմ կողմևց աջակցելու եմ»,- նշեց Սեյրան Օհանյանը։

Անդրադառնալով վարչապետ Նիկոլ Փաշաինյանի՝ Կապանում ըստ էության վերահաստատած այն տեսակետին, որ ապրիլյան պատերազմը տեղի է ունեցել Ռուսաստանի գիտությամբ, պաշտպանության նախկին նախարարն ընդգծեց, որ կարող է փարատել բոլոր մտահոգությունները։

«Եթե խոսում եք ինչ-որ դավադրության տեսաբանությունից, ապա այստեղ չի կարող լինել այլ դավադրություն, քան թուրք-ադրբեջանական դավադրությունն է: Սրան վերջակետ դրեք»,- նշեց Սեյրան Օհանյանը։



loading...