Պետական եկամուտների կոմիտեի (ՊԵԿ) նախկին նախագահ, ֆինանսների նախկին նախարար Գագիկ Խաչատրյանի եղբորորդի Կարեն Խաչատրյանը գրավի դիմաց ազատ կարձակվի:
Այս մասին լրագրողների հետ զրույցում ասաց Կարեն Խաչատրյանի փաստաբան Ամրամ Մակինյանը։
Փաստաբանը նշեց, որ Երևանի ընդհանուր իրավասության դատարանը բավարարել է Կարեն Խաչատրյանի կալանքը երկարաձգելու մասին Ազգային անվտանգության ծառայության միջնորդությունը ու միաժամանակ բավարարել նաև պաշտպանական կողմի միջնորդությունն ու գրավի կիրառումը թույլատրելի համարել: Գրավի չափ է սահմանվել 20 միլիոն ՀՀ դրամը:
Կարեն և Գագիկ Խաչատրյանները որպես մեղադրյալներ ներգրավվել են ավելի քան 210 մլն դրամ վատնելու և պաշտոնեական դիրքի չարաշահման առթիվ հարուցված քրեական գործի շրջանակում: Կարեն և Գագիկ Խաչատրյանները կալանքի տակ են արդեն մոտ երկու ամիս:
