Պարտությունն արժանապատիվ կերպով ընդունելու կարողություն ոչ բոլորն ունեն, առավել եւս, երբ մարզիկը կամ երկրպագուն տաքարյուն է ու զգացմունքային: Մերձմոսկովյան Կրասնոգորսկ քաղաքում անցկացված ջիու-ջիցուի մրցաշարի ավարտին մասսայական ծեծկռտուք է տեղի ունեցել:
Մրցավեճից հետո երկրպագուները հավաքվել են մրցագորգի վրա: Չեչեն երկրպագուներից մեկը սկսել է հարաբերություններ պարզել մարզիկներից մեկի հետ, հարվածել է նրան, ինչից հետո սկսվել է մասսայական ծեծկռտուքը:
Իրավապահները քննություն են սկսել: Ծեծկռտուքի հետեւանքով տուժածներից մեկը դիմել է բուժօգնության, մյուսները կապտուկներ եւ թեթեւ վնասվածքներ են ստացել: