Որպես տղամարդ ես հպարտանում եմ, որ երբեւիցե համարվել եմ Սերժ Սարգսյանի ընկերը. Ռուբեն Հայրապետյան


Որպես տղամարդ ես հպարտանում եմ, որ երբեւիցե համարվել եմ Սերժ Սարգսյանի ընկերը. Ռուբեն Հայրապետյան
Դեկտեմբեր 14 12:12 2019

Սերժ Սարգսյանին մեղադրում են հազար ու մի բանի մեջ, բայց Սերժ Սարգսյանին վատ ընկեր լինելու մեջ մեղադրել, դա արդեն ծիծաղելի է։ Այս մասին այսօր՝ դեկտեմբերի 13–ին, 168TV-ի «Պրեսսինգ» հաղորդաշարի ժամանակ ասել է ՀՖՖ նախկին նախագահ Ռուբեն Հայրապետյանը՝ անդրադառնալով Խաչատուր Սուքիասյանի այն հայտարարությանը, թե Սերժ Սարգսյանը լավ ընկեր չէ։

«Որպես տղամարդ ես հպարտանում եմ, որ երբեւիցե համարվել եմ Սերժ Սարգսյանի ընկերը կամ համարվում եմ, դա ինձ համար պատիվ է։ Ցանկացած նորմալ տղամարդու համար, որը երբեւիցե շփվել է Սերժ Սարգսյանի հետ, հպարտանում է եւ կհպարտանա։ Խաչատուր Սյուքիասյանը, երբեւէ Սերժ Սարգսյանի հետ մի կտոր հաց կերած կա՞, որ գնահատական է տալիս Սերժ Սարգսյանին լավ կամ վատ ընկեր լինելու հարցում»։

Հայրապետյանի խոսքով՝ գուցե վատ բաներ եղել են Սերժ Սարգսյանի կառավարման տարիներին, բայց իշխանափոխությունից հետո ստեղծված դժգոհության ֆոնի վրա այսօր փորձում են հեղինակազրկել նրան. «Կգա ժամանակը կտեսնենք, թե ամենամեծ հեղինակություն ունեցող ղեկավարն այս երկրում ով է եղել։ Շատ հեշտ է մարդկանց վարկաբեկել, ու նույն Խաչատուր Սուքիասյանը լավ գիտի, թե ինչ հարցերում է իրեն օգնել Սերժ Սարգսյանը»։



loading...