«Բելառուսը չի լինի «եղբայրական Ռուսաստանի» կազմում». Լուկաշենկո

«Բելառուսը չի լինի «եղբայրական Ռուսաստանի» կազմում». Լուկաշենկո
Դեկտեմբեր 5 17:09 2019

Բելառուսի նախագահ Ալեքսանդր Լուկաշենկոն դեկտեմբերի 5-ին հայտարարել է, որ ոչ ոք չի պատրաստվում հանձնել իրենց երկրի անկախությունն ու ինքնիշխանությունը: Այս մասին տեղեկացնում է belta.by կայքը: «Մենք երբեք մտադիր չենք եղել լինել որևէ պետության կազմում, նույնիսկ եղբայրական Ռուսաստանի»,- նշել է Լուկաշենկոն՝ խոսելով վեցերորդ և յոթերորդ գումարումների խորհրդարանականների առջև: Միևնույն ժամանակ, Լուկաշենկոն կենտրոնացել է այն փաստի վրա, որ մի շարք հիմնախնդիրներ դեռևս լուծված չեն, մասնավորապես, գազի և նավթի հարցը:

Հիշեցնենք՝ «Коммерсантъ» պարբերականն ավելի վաղ հայտնել էր, որ կողմերը քննարկում են Ռուսաստանի և Բելառուսի տնտեսական ինտեգրման ծրագիրը: Ըստ դրա՝ այս համաձայնագիրը տնտեսական ոլորտին վերաբերող միասնական պետության ստեղծման ծրագիր է, որը պետք է ուժի մեջ մտներ 2022-ին:

loading...