Քայլի Ջենները վաճառել է իր բիզնեսը

Քայլի Ջենները վաճառել է իր բիզնեսը
Նոյեմբեր 20 00:54 2019

Քիմ Քարդաշյանի կրտսեր քույրը՝ ձեռնարկատեր Քայլի Ջենները, իր Kylie Cosmetics ընկերության բաժնետոմսերի հսկիչ փաթեթը վաճառել է Coty Inc. կոսմետիկայի ֆրանս-ամերիկյան արտադրողին: Այդ մասին հայտնել է Bloomberg-ը՝ վկայակոչելով ընկերության մամուլի տեղեկագիրը:Բաժնետոմսերի 51 տոկոսի դիմաց Ջեններն ստացել է 600 միլիոն դոլար: Coty-ն կստանձնի Kylie Cosmetics-ի ամբողջ պատասխանատվությունը, իսկ Քայլին կզբաղվի կրեատիվով եւ հաղորդակցություններով: Գործարքի հաստատվելուց հետո Coty-ի բաժնետոմսերը Նյու Յորքի ֆոնդային բորսայում (NYSE) աճել են 2,6 տոկոսով: Kylie Cosmetics ընկերությունն ստեղծվել է 2015 թվականին, երբ Ջենները դեռ դեռահաս էր:

Սկզբում Kylie Cosmetics-ը վաճառում էր հեղուկ շրթներկից եւ շուրթերի համար մատիտից բաղկացած հավաքածու: Այժմ ընկերությունն առաջարկում է արտադրանքի ընդարձակ հավաքածու՝ կոպերի գելերից մինչեւ դեմքի սկրաբներ:

Սկզբնապես Kylie Cosmetics-ն իր արտադրանքն իրացնում էր միայն Համացանցի միջոցով, սակայն 2018 թվականին սկսել է այն վաճառել նաեւ Ulta ռեթեյլերի միջոցով, որը բաղկացած է 1,1 հազար խանութից:

Մարտ ամսին Forbes հրատարակությունը Քիմ Քարդաշյանի կրտսեր քրոջը՝ Քայլի Ջեններին, ճանաչել է աշխարհի ամենաերիտասարդ միլիարդատեր կինը, որն իր կարողությունը վաստակել է ինքնուրույն:

loading...