Ինչո՞ւ է Արսեն Թորոսյանը թիրախավորել Արթուր Վանեցյանին. ԱԱԾ նախկին տնօրենի դեմ իշխանության կազմակերպած գրոհի մեջ նախարարն իր անձնական խնդիրներն էլ ունի. «Փաստ»

Ինչո՞ւ է Արսեն Թորոսյանը թիրախավորել Արթուր Վանեցյանին. ԱԱԾ նախկին տնօրենի դեմ իշխանության կազմակերպած գրոհի մեջ նախարարն իր անձնական խնդիրներն էլ ունի. «Փաստ»
Նոյեմբեր 14 09:02 2019

«Փաստ»-ը գրում է․

«Հայաստանի ֆուտբոլի ազգային հավաքականի գլխավոր մարզչի նշանակման հետ կապված տեխնիկական թյուրիմացությունը լավ առիթ էր, որ առողջապահության նախարար Արսեն Թորոսյանը ցուցադրաբար ու հրապարակային գրոհ սկսի ԱԱԾ նախկին տնօրեն, ՀՖՖ նախագահ Արթուր Վանեցյանի դեմ: 

Նախարարը ֆեյսբուքյան հարձակումներով չբավարարվեց ու գրոհը շարունակեց Հ1-ի եթերում՝ Վանեցյանին «օդից» մեղադրանքներ ներկայացնելով: Իսկ թե որն է առողջապահության նախարարի՝ նման ակտիվության պատճառը, մեր աղբյուրները ուշագրավ մանրամասներ են փոխանցում: 

Բանն այն է, որ Վանեցյանի դեմ իշխանության կողմից կազմակերպված գրոհի մեջ Թորոսյանն իր սեփական խնդիրներն էլ ունի: Մասնավորաբար, ըստ նույն աղբյուրների, ըստ երևույթին, Արսեն Թորոսյանը չի ներել այն, որ Արթուր Վանեցյանը բացահայտեց նոր Հայաստանում ամենաբարձրաստիճան կոռուպցիոն մեխանիզմը՝ հենց Արսեն Թորոսյանի ղեկավարած կառույցում, ինչի արդյունքում ձերբակալվեց նախարարի տեղակալը հենց իր աշխատասենյակում: 

 

Բնական է, որ այս «հանդգնությունը» Արսեն Թորոսյանը չի մոռացել և հիմա առիթը փորձում է օգտագործել: 

Ավելին, ըստ տեղեկությունների, այդ դեպքից հետո Առողջապահության նախարարությունը մշտապես ԱԱԾ տեսադաշտում է եղել»,-գրում է թերթը:

Նյութն ամբողջությամբ կարդացեք թերթի այսօրվա համարում:  

loading...