Կան մի շարք մթերքներ, որոնք վնասում են ատամները ոչ պակաս, քան շաքարը, թեեւ շաքարի՝ ատամներին հասցրած վնասների մասին շատերը գիտեն, իսկ այս մթերքների մասին՝ ոչ բոլորը։
Ցիտրուսներ
Մրգերը, այդ թվում նաև ցիտրուսները, բազմաթիվ օգտակար հատկանիշներ ունեն, սակայն ատամների համար այնքան էլ լավ չեն։ Դրանցում առկա կիտրոնաթթուն վնասում ու քայքայում է ատամների էմալը։ Այդ պատճառով ցիտրուսներ ուտելուց հետո անհրաժեշտ է ողողել բերանը։
Ներկող մթերք
Կարմիր գինին, սուրճը, կեռասը, մորին, նման մթերքները ազդում են ատամների էմալի վրա՝ փոխելով գույնը։
Ալկոհոլ
Ալկոհոլի վնասի մասին բոլորը գիտեն, սակայն բուն ատամների վրա թե ինչ ազդեցություն է այն թողնում, չգիտեն։ Ալկոհոլը կանգնեցնում է թքագեղձերի աշխատանքը, բերանի խոռոչը չորանում է, ինչն էլ իր հերթին վնասում է ատամներին՝ քայքայելով էմալը։
Խրթխրթան մթերք
Պինդ եւ խրթխրթան մթերքը ատամների վրա ճաքեր ու քերծվածքներ են առաջացնում։
Ջուր
Որքան էլ զարմանալի թվա, սակայն չթորած, ծորակից եկող ջուրը, դրանում առկա միացությունները քայքայում են ատամները, ոչ միշտ է ծորակի ջուրն անվնաս։
Պետք է հիշել, որ թվարկած մթերքներից շատերն օգտակար են, եւ չի կարելի հրաժարվել դրանցից, պարզապես պետք է չափավոր օգտագործել։
Աղբյուր՝ Բուժ Ինֆո
