Երևանում «բախտագուշակը» դանակի մի քանի հարված է հասցրել 27-ամյա հաճախորդին


Երևանում «բախտագուշակը» դանակի մի քանի հարված է հասցրել 27-ամյա հաճախորդին
Նոյեմբեր 8 21:42 2019

Երեւանում այսօր՝ նոյեմբերի 8-ին, արտակարգ դեպք է տեղի ունեցել. «բախտագուշակը» դանակի մի քանի հարված է հասցրել 27-ամյա հաճախորդին: Shamshyan.com-ը հայտնում է, որ ոստիկաններն ու քննիչները պարզել են, որ վիրավորը 27-ամյա Հակոբ Խաչատրյանն է, որը, ըստ բժիշկների հայտարարության, ի վիճակի չէ կատարվածի մասին բացատրություն տալու։

Պարզվել է, որ նշված հանցագործությունը կատարել է Երևան քաղաքի Էրեբունի վարչական շրջանի բնակիչ 65-ամյա Անահիտ Մ.-ն, որը կարճ ժամանակում հայտնաբերվել և բերման է ենթարկվել:

Կայքի տեղեկություններով՝ դեպքը տեղի է ունեցել այս գիշեր ժամը 03։00-ի սահմաններում, երբ Հ. Խաչատրյանը, գտնվելով գինովցած վիճակում, իր մտերմուհու հետ այցելել է Անահիտ Մ.-ի տուն եւ ասել, որ վերջինս «պետք է իր բախտը նայի», սակայն բախտագուշակը դիտողություն է արել Հ. Խաչատրյանին: Երիտասարդը հայհոյել է 65-ամյա կնոջը, ինչի պատճառով էլ վերջինը վերցրել է խոհանոցային դանակը և մի քանի անգամ հարվածել Հ. Խաչատրյանին։ Ոստիկանների և քննիչների բացատրական աշխատանքի շնորհիվ՝ Անահիտ Մ.-ն ներկայացրել է հանցագործության գործիք հանդիսացող դանակը։



loading...