Դատական կարգադրիչների աշխատավարձը կբարձրանա նրանց տրվող հավելավճարների հաշվին: ArmDay.am-ը պաշտոնական բաց աղբյուրներից տեղեկացավ, որ ԱԺ «Իմ քայլը» խմբակցության պատգամավոր Արթուր Դավթյանն առաջարկում է «Պետական պաշտոններ եւ պետական ծառայության պաշտոններ զբաղեցնող անձանց վարձատրության մասին» օրենքում փոփոխություններ կատարել:
Նախագծով առաջարկվում է սահմանել դատական կարգադրիչներին կոչման համար հավելավճարի տրամադրում: Տարեկան այս ծրագրի համար կուղղվի 98 մլն դրամ:
Նախագիծը քննարկվել է նաեւ կառավարությունում եւ ստացել դրական եզրակացություն: Այն վաղը կհաստատվի գործադիրի կողմից եւ կուղարկվի ԱԺ:
