Հայաստանի ֆուտբոլի ազգային թիմի հարձակվող Սարգիս Ադամյանը մասնակցեց «Հոֆենհայմ»-ի հաղթական խաղին:
«Արմենպրես»-ի հաղորդմամբ` Բունդեսլիգայի 10-րդ տուրի շրջանակներում «Հոֆենհայմ»-ը սեփական հարկի տակ հյուրընկալեց «Պադերբորն»-ին և առավելության հասավ 3:0 հաշվով: «Հոֆենհայմ»-ը տարավ իր 4-րդ անընդմեջ հաղթանակը Գերմանիայի առաջնությունում:
Հայաստանի հավաքականից Սարգիս Ադամյանը «Հոֆենհայմ»-ի մեկնարկային կազմում չէր, սակայն փոխարինման դուրս եկավ 63-րդ րոպեին:
Այս հաղթանակից հետո «Հոֆենհայմ»-ը մրցաշարային աղյուսակում 5-րդն է:
