Change.org կայքում իսպանարենով խնդրագիր է հրապարակվել, որում Ռուսաստանի նախագահ Վլադիմիր Պուտինին խնդրել են խառնվել Մեքսիկայում տիրող իրավիճակին և «առնել կոռումպացված քաղաքական գործիչների դեմը, ովքեր ամեն ինչ գողանում են»: Ընդ որում՝ խնդրագրի վերնագիրը հետևյալն է. «Ռուսական միջամտությունը Մեքսիկայում վատ կառավարությունը վերացնելու համար»:
Խնդրագրի հեղինակի կարծիքով` ներկայում Մեքսիկայում տիրող քաղաքական վիճակը ամենավատն է պետության ամբողջ պատմության ընթացքում:
«Երկիրը բառացիորեն արյունահոսում է թալանի և առնետների պատճառով, իսկ ԱՄՆ-ը և ՄԱԿ-ը ոչինչ չեն անում իրավիճակը շտկելու համար, սակայն մեծագույն հաճույքով ստանում են ռեսուրսներ Մեքսիկայից», - ասվում է խնդրագրի մեջ:
«Վլադիմիր Պուտին, դու պետք ես Լատինական Ամերիկային», - հավելել է խնդրագրի հեղինակը:
Նշենք, որ խնդրագիրն արդեն հավաքել է ավելի քան 4, 500 ստորագրություն:
