Դամասկոսի մոտակայքում՝ Վադի-Բարադա դաշտավայրում ահաբեկիչների կողմից սպանվել է ընդհանուր հաշտեցման գործընթացը այդ տարածքում համակարգող սիրիացի գեներալ Ահմեդ ալ-Գադբան: Այդ մասին հաղորդում է ԱԼ-Մայադին պարբերականը:
Ըստ ԶԼՄ-ի աղբյուրի՝ գեներալին գնդակահարել են այն պահին, երբ նա լքել է Ային-էլ-Ֆիջի ջրային աղբյորը, որտեղ գտնվում է Դամասկոսում խմելու ջրի խոշորագույն ամբարը: Այլ մանրամասներ դեռ չեն հաղորդվում:
Ային-էլ-Ֆիջի աղբյուրը սիրիական բանակի կողմից ազատագրվել է ուրբաթ:
Ինչպես ուրբաթ հաղորդել են լրատվամիջոցները՝ Վադի-Բարադա դաշտավայրում գտնվող բոլոր խմբավորումները համաձայնել են դադարեցնել կրակը: Գրոհայինները կսկսեն զենքը հանձնել առաջիկա օրերին, իսկ հետո համաներման կենթարկվեն: