1$ = 0 AMD 1€ = 0 AMD

Փողի ընտրությունը ավարտված է

Հայաստանում խորհրդարանական ընտրություններն ավարտված են։ Չնայած այն հանգամանքին, որ ԿԸՀ-ն տասնօրյա ժամկետում կհրապարակի ընտրությունների վերջնական արդյունքները, ակնհայտ է, որ դրանք էապես չեն տարբերվի նախնական արդյունքներից։ Իսկ նախնական արդյունքներով՝ՀՀԿ-ն միանձնյա առաջատարն է։ Թերեւս,ոչ մեկի համար սա արտառոց նորություն չէ։ Հայաստանի Հանրապետական կուսակցությունը սովոր չէ կիսելու իշխանությունը, չհաշված որոշ պորտֆելներ, որոնք տրվում են կոալիցիոն համագործակցության շրջանակներում։

Երեկ վաղ առավոտից տեղի ունեցող ընտրական գործընթացը փաստում էր մեկ բանի մասին, որ ՀՀԿ-ն իր առաջ խնդիր է դրել վերարտադրվելու։ Այդ գործին լծվել էին բոլորը՝ ահել- ջահել, կուսակցական ու անկուսակցական։ Նրանք իրենց գործը լավ կատարեցին։ Հայաստանում տեղի ունեցավ «ընտրություն», որը մեկ բառով կարելի է անվանել առեւտուր։ Իշխանությունը չի հաղթել, հաղթել է փողը, իսկ ընդդիմությունը պարտվել է ոչ թե իշխանությանը, այլ փողին։

Ձայների հաշվարկը դեռ չմեկնարկած,արդեն իսկ հայտնի էին նախնական արդյունքները։ Դրան զուգահեռ սոցիալական ցանցերում սկսվեցին քննարկումներն ու գրառումները, թե «երկիրը երկիր չէ», որ «տարեցները ծախեցին երիտասարդների ապագան», «ժամանակն է արտագաղթելու»։Այսպես եղել է միշտ՝բոլոր ընտրություններին հաջորդող ժամերին։ Ընտրակաշառքով ընտրություն կատարողը բողոքում է՝միանալով այն ազնիվ մարդկանց, ովքեր չեն վաճառել իրենց ձայնը։ Համընդհանուր բողոքի նոտան, սակայն,անիմաստ է։ Դրանք կարճ ժամանակում կմարեն, մոռացության կմատնվեն այնպես, ինչպես մոռացության կմատնվի այն հանգամանքը, թե ինչպես էին Կոնդի բնակիչները ատամներով պահում իրենց «աշխատավարձը»։

Հայաստանի ազնիվ ու պայքարող քաղաքացին կկանգնի նույն այդ կոնդեցու կողքին, երբ վերջինս օրեր անց կբողոքի փողով ընտրված իշխանությանը, որ իրեն զրկել են բնակության վայրից։ Քաղաքացիները կլռեն այնպես, ինչպես հինգ տարի շարունակ լռող պատգամավորին խորհրդարանում հայտնվելու հնարավորություն տվեցին։

Բողոքի համընդհանուր ճիչը ապարդյուն է։ Հայաստանում կա փողի դեֆիցիտ, սա քաջ գիտակցում է իշխանությունը, եւ ընտրական գործընթացների ժամանակ մարտի նետում, ոչ թե գաղափարը, այլ փողը։ Հասարակության մեծամասնությունը ընտրեց երկրորդը։

Փայլակ Ֆահրադյան

loading...
Հունիսի 28-ի աստղագուշակ Սա իմանալուց հետո Դուք նույնպես մետաղադրամներ... Երևանում գիշերային թիթեռնիկները շեղել են մոտո... Այս դիետայի շնորհիվ 3 օրում կնիհարեք մինչև 5 ... Թեստ, որը կորոշի ձեր բնավորության ուժեղ կողմե... Շատ պարզ մեթոդ՝ սպիտակ հագուստից դեղին հետքեր... Հաջողակ կնոջ 7 ոսկե կանոն Բնավորության գծերն` ըստ ծննդյան շաբաթվա օրերի Պատմության 20 ամենատարօրինակ ու յուրահատուկ մ... Արևածագը Սատուրնի վրա. Cassini-ի լուսանկարը Ինչպե՞ս ազատել տունը տհաճ հոտերից Ֆրանսիայում ձերբակալել են «Բավարիայի» կիսապաշ... Ինչպե՞ս ազատվել դեմքի մաշկի սև կետիկներից Պեդրո Ագրամունտը միսսիոներ է, այսինքն՝ Ադրբեջ... Թուրքիան որոշել է պատ կառուցել նաև Հայաստանի ... Ոտքեր չունեցող թաիլանդուհին $29 000 ամսական ա... Մազերի ճյուղավորում. պայքար առանց մկրատի Չինաստանում տարեց կինը մետաղադրամներ է նետել ... Երբ տղամարդը վախենում է առաջին քայլն անելուց.... Իտալացին մաչետեով Տոսկանայում երեք մարդու է վ... Ալաշկերտը 1:0 հաշվով հաղթեց «Սանտա Կոլոման»-ի... Գավառում որդին մորը մեղադրել է անբարոյականութ... Ինչպե՞ս տարբերել կիրքը սիրուց Քուրդ զինյալների հետ բախման հետևանքով սպանվել... Ինչպիսի եղանակ է սպասվում Հայաստանում առաջիկա...