Չինաստանի արևելյան հատվածում գտնվող գործարաններից մեկն արտադրում է հսկայական չափերի փչովի աքաղաղներ, որոնք արտաքուստ նման են ԱՄՆ նորընտիր նախագահ Դոնալդ Թրամփին:
Ինչպես նշում է Al Arabiya-ն, մոտ 20մ բարձրությամբ փուչիկները մեծ պահանջարկ են վայելում Չինաստանում ու իսկական հիթ են դարձել:
Caile Inflatable Products Co-ի ղեկավարությունը մանրամասնել է, որ բազմաթիվ պատվերներ է ստացել, որոնք պետք է առաքվեն մինչև հունվարի 28-ը՝ չինական օրացույցով Նոր տարվա գալը:
Ընկերության մենեջեր Լի Հայյանը նշել է, որ աքաղաղի ու Թրամփի արտաքին նմանության պահը նախապես մտածված քայլ չէ, «պարզապես համընկել է»:
