«Ծառուկյան» դաշինքի առաջնորդ Գագիկ Ծառուկյանից քվեարկությունից հետո լրագրողները հետաքրքրվեցին դաշինքի կողմից ընտրակաշառքների բաժանման մասին, որի վերաբերյալ տեղեկություններ են շրջանառվում:
Ծառուկյանն էլ ի պատասխան՝ դիմեց ընտրատեղամասի մոտ հավաքված մարդկանց. «Ժողովո՛ւրդ, որևիցե մեկդ ընտրակաշառք ստացած կա՞ք, երդվեք երեխեքի արև»:
Մարդիկ էլ կրկնեցին. «Երեխեքի արև, չենք ստացել»:
«Ամոթ իրան, ով չգնա, չստուգի՝ ընտրակաշառք բաժանում են, թե չէ: Գնացեք ցանկացած գյուղ, մտեք, ցանկացած մեկդ գնացեք հարցրեք: Իհարկե, քարոզիչներին աշխատավարձ տվել ենք», - շարունակեց Ծառուկյանը:
Նա նաև հիշեցրեց, որ իրեն «արգելել են բարեգործություն անել»:
