Նիգերիայի Օգուն նահանգում ահաբեկիչներն առևանգել են ուսումնական հաստատության երկու աշխատակցի և 5 դպրոցականի, այդ թվում՝ Թուրքիայի քաղաքացու: Այս մասին հայտնում է Reuters-ը:
Նիգերիայի ոստիկանության ներկայացուցիչը հայտարարել է, որ գրոհայինները ներխուժել են հաստատության տարածք, գերեվարել մարդկանց ու փախել:
Նշվում է, որ առևանգիչները դեռ կապ չեն հաստատել ոստիկանության և դպրոցի ղեկավարության հետ:
«Մենք լուրջ ջանքեր ենք գործադրում՝ առևանգված մարդկանց ողջ և առողջ ազատելու համար»,- ասել են ոստիկանությունում: