Ասում են` մարդու երաժշտական նախասիրությունները շատ բան կարող են պատմել նրա բնավորության և ճաշակի մասին: Ստորև ներկայացնում ենք հանրահայտ մարդկանց երաժշտական նախասիրությունները:
Հայտնի կրեատիվ գործարար Սթիվ Ջոբսը սիրում էր Բոբ Մարլիի արվեստը: Ընկերները փաստում են, որ Ջոբսը նույնիսկ շատ լավ նմանակում էր Բոբ Մարլիին:
Անջելինա Ջոլիի նախընտրած երաժիշտներն են. Էլվիս Փրեսլի, Էլլա Ֆիցջերալդ, Ֆրենկ Սինատրա, Ջոնի Քեշ և «Clash» խումբը: Հայտնի է, որ դերասանուհին արգելում է իր երեխաներին լսել Ռիհանա:
Ամերիկյան դերասանուհի Քեյթ Հաթսոնը կիսում է Ջոբսի նախասիրությունները, նա նույնպես Բոբ Մարլիի սիրահար է:
ԽՍՀՄ-ի նախկին նախագահ Միխայիլ Գորբաչովը սիրում է «Deep Purple» և «Scorpions»:
Գորբաչովի կոլեգա, ՌԴ նախկին նախագահ Դմիտրի Մեդվեդևը սիրում է ռուսական ռոք, ինչպես նաև` «Linkin Park»:
ՌԴ ներկայիս նախագահ Վլադիմիր Պուտինն ավելի պահպանողական երաժշտական ճաշակ ունի` Չայկովսկի, Մոցարտ, «The Beatles» և ռուսական «Լյուբե» խումբը:
Ջասթին Թիմբերլեյքը խոստովանում է, որ մանկուց երկրպագել է Քայլի Մինոուգին: Ներկայումս իր երաժշտական նախասիրությունների շարքն են համալրել երգիչ Դեյվիդ Բոուին և «Coldplay» խումբը:
Հայտնի դերասան Բրեդ Փիթը սիրում է Ջիմի Հենդրիքս, «Gipsy Kings», «one Temple Pilots», Բոբ Մարլի:
Մեկ այլ սիրված դերասան Ջոնի Դեպը ռոքի սիրահար է` «The Doors», Բոբ Դիլան, Քեյթ Ռիչարդս, «The Rolling Stones»:
Բիլ Գեյթսի սիրված երաժիշտներն են «The Beatles»-ը, մասնավորապես` Ջոն Լենոնը: