1$ = 0 AMD 1€ = 0 AMD

Ելան տանիք, իջան բակ. խոստումներից մինչեւ իրականություն. քարոզարշավի ուշագրավ դրվագները

Մարտի 5-ից մեկնարկած նախընտրական կրքերը այսօր կհանդարտվեն, բայց ընդամենը մեկ օրով: Վաղը լռության օր է: Ինչպես ընթացավ նախընտրական քարոզարշավը, ով ինչ նախաձեռնություններով հանդես եկավ: Armday.am-ն ամփոփում է նախընտրական քարոզարշավի ուշագրավ դրվագները:

Խորհրդարանական ընտրություններին մասնակցում է 9-ը քաղաքական ուժ: Քվեաթերթիկում առաջինը «Ելք» դաշինքն է: Նրանց ամենաշատը հենց այս փաստն էր ոգեւորել: Դաշինքի անդամները, իրար հերթ չտալով, ֆեյսբուքում այդ մասին էին իրազեկում: Մարտի 5-ին, ուղիղ ժամը 24:00 էլ դաշինքի անդամները ֆեյսբուք սոցիալական ցանցում ուղիղ միացմամբ հանդես եկան: Հետո՝ հաջորդ օրն արթնացան, հավաքվեցին իրար գլխի՝ շրջելով մարզից- մարզ, հայտարարելով, որ ելք կա: Նիկոլ Փաշինյանն էլ տանիքները բարձրացավ, քաղաքացիների դռները թակեց: Ամեն ուր եւ ամեն կերպ հայտարարում էին, որ ելք կա: Ապրիլի 2-ից պարզ կդառնա, թե ինչպիսին էր «Ելքի» ելքը:

Սոցիալական մեդիան մասամբ օգտագործեցին նաեւ «Ազատ Դեմոկրատներ» կուսակցության ներկայացուցիչները: Քոքոբելյանին, Բագրատյանին ու նախկին Ժառանգականներին միացել էին նաեւ Էլեկտրիկ Երեւանի որոշ ցուցարարներ: Ընտրություններին մասնակցում ենք «Մենք կարող ենք» կարգախոսով: Կոչ են անում ԵՏՄ-ից դուրս գալ, բայց ոչ թե Եվրոպա գնալ, այլ Հայաստանում մնալ: Նրանք էլ շրջեցին մարզից- մարզ, գյուղից- գյուղ՝ տեղում ասելով, որ իրենք կարող են:

«Հայկական Վերածնունդ» կուսակցությունն էլ իրենց առաջնորդ Արթուր Բաղդասարյանի հետ էլ տեղ չմնաց, չգնացին: Ոգեւորվում էին, որ ծափահարություններ էր հնչում, չէր էլ հնչում, ձեւը գտել էին՝ արհեստական էին միացնում: Բաղդասարյանի «զինվոր» Բիշարյանն էլ պայքարում է Մալաթիայի «տիրակալ» Ալեքսանյանի հետ: Խոստանում են ջեմ ու մուրաբա չբաժանել: Փոխվել են, փոխել է անգամ կուսակցության անունը: Մտածում են՝ ՕԵԿ-ին չեն հիշի եւ քվեաթերթիկում «պտիչկա» կդնեն ՀՎԿ-ի օգտին: Մտածելը երբեք չի խանգարում:

Հաջորդը «Ծառուկյան դաշինքն է»: Քաղաքականության էջը բացել է եւ ընտրություններին է մասնակցում: «Փոփոխությունների եւ կառուցելու ժամանակն է»,- հայտարարում է Գագիկ Ծառուկյանը, ով անձամբ է գրել 15 կետից բաղկացած ծրագիրը: Բոլոր տեղերում հասցրել է լինել թիմի հետ, ժողովուրդն օգնություն է խնդրում: Ծառուկյանը կօգներ, բայց Մուկուչյանը բա որ տեսնի: Լուծումը գտել են, որոշել են հավաքել առկա խնդիրները, խորհրդարանում մեծամասնություն ունենալու դեպքում՝ լուծել:

Կոնգրես- ՀԺԿ դաշինքն էլ խաղաղություն է քարոզում: Տեր- Պետրոսյանի քարոզարշավներին չէ, բայց հեռուստահաղորդումների մասնակից դարձավ: Նախկին արմատական ընդդիմության շարքերից հանդես եկող Կոնգրեսականների ուզածը խաղաղությունն է: Գնում են մարզ՝ դա են ասում, գյուղում՝ նույնը: Միայն թե մռայլ է ստացվել դաշինքը գլխավորողների պաստառը: Տեր- Պետրոսյանն, իհարկե երիտասարդ է լուսանկարում, բայց առաջին նախագահի տարիքը բոլորին է հայտնի: Նույնքան հայտնի, որքան նաեւ այն հանգամանքը, որ 2013 թվականի նախագահական ընտրություններին տարիքի պատճառով հրաժարվեց մասնակցել ընտրություններին:

Հաջորդիվ ՀՀԿ-ն է: Միայն վերջերս ՀՀԿ-ական դարձած վարչապետ Կարեն Կարապետյանն է իրականացնում Հանրապետականների քարոզարշավը: Մոսկվայից եկավ, տեսավ, մնաց: Դեռ մնալու է, ամեն դեպքում Սերժ Սարգսյանը ասել է, որ ՀՀԿ-ն ԱԺ-ում մեծամասնություն կազմելու դեպքում, Կարեն Կարապետյանը կշարունակի պաշտոնավարել: Կարապետյանն էլ ջանք չի խնայում «Անվտանգություն եւ առաջընթաց» է քարոզում, այնքան քարոզեց, ձայնը կտրվեց: Հանգամանքը չխանգարեց համալիրում մի լավ ուրախանալ:

Կոմունիստներն էլ քվեաթերթիկում համար 7-ն են: Մամուլի աչքից հեռու իրականացրեցին քարոզարշավ: Կարմիր ժապավեններով մի քանի տեղում, ամեն դեպքում, եղան: Ծրագիր գրել են՝ այդպես են ասում, բայց համացանցում հասանելի չէ: Մի քանի հատված հնարավոր է եղել իմանալ: ՀԿԿ-ն ասում է՝ ամեն ինչ անվճար է լինելու, գրեթե ամեն ինչ: Փող էլ ունեն, ցույց չեն տվել, ասել են՝ կընտրվենք, 17 միլիարդի ներդրումը կա ու կա:

ՕՐՕ դաշինքն էլ մարզերում շրջեց: Պարոն Օսկանյանը, պարոն Հովհաննիսյանն ու պարոն Օհանյանն էին գլխավոր դերակատարները: «Հաղթելու ենք, բան չի մնացել»,- ամեն օր ասում էին նրանք: Օրերն անցան, եկավ օրը հանրահավաքի: Հավաքվեցին Ազատության հրապարակում՝ ծիրանագույն շարֆերով, ուս- ուսի տվեցին անցան մայրաքաղաքի փողոցներով: Բոլորը ներկա էին, իհարկե, ՕՐՕ-ի համակիրներից: Եկել էր Ռուզան Խաչատրյանը: Նկարվեցին, ելույթներ ունեցան, գնացին: Ժողովրդի հաղթանակը պիտի վերադարձնեն, ասել են, որ կգան:

Քվեաթերթիկում վերջինը ՀՅԴ-ն է: Նախարարները միանգամից արձակուրդ վերցրեցին, որ գնան ու «Արդար Հայաստան» քարոզեն: Դաշնակցականները ասում են՝ ամենալավը մենք, բայց ոչ թե նրա համար որ «հին»կուսակցություն են, այլ այդպես են որոշել: Խորհուրդ են տալիս ընտրել իրենց, իշխանությունը հո մենակ չի մնալու: Մնացել են կողքերին, որ օգնեն:

Նախընտրական քարոզարշավի ուշագրավ դրվագները ի մի է բերել Փայլակ Ֆահրադյանը:

loading...
Լրահոս
Արմենչիկի գեղեցիկ ընտանիքը (լուսանկարներ) Պատահարից 4 օր անց «ՎԱԶ-2106»-ի վարորդը, հիվանդանոցում գիտակցության չգալով, մահացել է Շաբաթօրյակի ընթացքում մայրաքաղաքում հավաքվել և աղբավայր է տեղափոխվել շուրջ 335 տոննա աղբ Սերժ Սարգսյանը հրավիրել է խորհրդակցություն 2018թ. կայանալիք խոշոր միջոցառումների վերաբերյալ Արցախում ժամկետային զինծառայողը սպանության զոհ է դարձել. ձերբակալվել է կրտսեր սերժանտ Հայ մասնակիցը շարունակում է իր հիանալի ելույթները ռուսական «Голос»-ում (տեսանյութ) Ադրբեջանը շփման գծում մեկ շաբաթում արձակել է 2300 կրակոց Ուշադրություն. տեսագրությունում պատկերված անձը կասկածվում է կողոպուտ կատարելու մեջ Հյուրանոցի ադմինիստրատորները մարմնավաճառներին կացարան են տրամադրել ու յուրաքանչյուր հաճախորդից միջնորդավճար ստացել Ավտովթար Վեդիում․ ուղեւորը մահացել է Մոսկվայում հայերն ու տաջիկները ծեծել են իրար Լայնածավալ սանմաքրման աշխատանքներ` Հրազդանի կիրճում, Հաղթանակ և Նոր Արաբկիր զբոսայգիներում Կորել է քաղաքացի Վրաերթ՝ Շիրակի և Շարուրի փողոցների խաչմերուկին Կրասնոդարում հայերը կրակել են իրար վրա․ կան զոհեր (տեսանյութ) Տարոն Մարգարյանի 11 միլիոնանոց նվերը Արայիկ Հովհաննիսյանին. բյուջեն վատնելու հերթական օրինակը Արտակարգ դեպք Երևանում. ՀՀ ՊՆ վարչական շենքի մոտ անհայտ անձը գազային ատրճանակով կրակել է 37-ամյա կնոջ շան ուղղությամբ Վաղ առավոտյան Երևանում մեկնարկել է համաքաղաքային շաբաթօրյակը Փորձել է ինքնասպան լինել՝ կտրելով երակները Եթե ես չլինեի, Ջիգարխանյանին վաղուց կորցրած կլինեիք․ Վիտալինան պատասխանել է մեղադրանքներին (տեսանյութ) Եղվարդում տուն է այրվել (լուսանկարներ) Արցախում երկու զինվոր է մահացել. նախնական տվյալներով՝ զենքի օգտագործման կանոնների խախտման հետեւանքով Տեսագրությունում պատկերված անձը կասկածվում է Արարատի մարզի Դարակերտ գյուղի տներից մեկից գողություն կատարելու մեջ (տեսանյութ) Ավանում մոտ 60 տարեկան կնոջ են վրաերթի ենթարկել 31-ամյա երիտասարդը պարտքերի պատճառով փորձել է նետվել ձորը