ԱՄՆ-ի դոլարը մարտի 30-ի առավոտյան Մոսկվայի սակարանում սակարկությունների բացվելիս նորացրել է 2015 թվականի հուլիսից ի վեր նվազագույն ցուցանիշը՝ 56,55 ռուբլուց ցած իջնելով նավթի գների աճի ֆոնին, տեղեկացնում է «Ինտերֆաքս»-ը:
Ամերիկյան դոլարի փոխարժեքը Մոսկվայի ժամանակով 10:06-ի տվյալներով կազմել է 56,40 ռուբլի, ինչը 21 կոպեկով ցածր է նախորդ սակարկությունների փակման մակարդակից: Եվրոյի փոխարժեքն այդ պահին կազմել է 60,64 ռուբլի՝ իջնելով 28,75 կոպեկով:
Երկարժութային զամբյուղի արժեքը մարտի 29-ի փակման մակարդակի համեմատությամբ իջել է 24,5 կոպեկով՝ կազմելով 58,31 ռուբլի:
