ՀՀԿ փոխնախագահ Արմեն Աշոտյան- ԱԺ պատգամավոր Նիկոլ Փաշինյան ֆեյսբուքյան լեզվակռիվը շարունակվում է: Արմեն Աշոտյանը արձագանքել է Փաշինյանի քիչ առաջ արված գրառմանը:
«Ասում են` Նիկոլը իմ քաղաքակիրթ հորդորին արձագանքել է լկտիանալով։ Ափսոս։ Մի պահ մոռացել էի, որ սեփական սխալն ընդունել ի վիճակի են միայն ուժեղ մարդիկ։
Ինչ վերաբերում է քանիցս քաղաքական սեռափոխության ենթարկված էակներին, ապա նրանց մնում է քաղաքական մայրուղու վրա սպասել հերթական պատվիրատուին»,- ֆեյսբուքյան իր էջում գրել է Արմեն Աշոտյանը:
Հիշեցնենք, որ ՀՀԿ փոխնախագահ Արմեն Աշոտյանն այսօր լրագրողների հետ հանդիպմանն անդրադարձել էր «Իրազեկ քաղաքացիների միավորում» ՀԿ բացահայտումներին, երբ ուսումնական հաստատությունների տնօրենները ՀՀԿ համար ձայներ էին հավաքագրել:Նա հորդորեց «Ելք» դաշինքի անդամ, պատգամավոր Նիկոլ Փաշինյանին՝ երեկ արած իր հայտարարությունից հետո՝ ներողություն խնդրել այն մարդկանցից, որոնց Փաշինյանը երեկ անբարոյական է անվանել:
Ի պատասխան Նիկոլ Փաշինյանը գրել էր.«Ասում են Արմեն Աշոտյանն ինձ հորդորել է ներողություն խնդրել ընտրակեղծարար դպրոցների տնօրեններից։
Աշոտյա՛ն եղիր Աշոտյա՛ն։ Աչքերը չռած սմայլիկ»: