ՌԴ Հեռավոր Արևելքի զարգացման հիմնադրամի գլխավոր տնօրեն Ալեքսեյ Չեկունովը տեղեկացրել է, որ Ամուր գետով անցնող ռուս-չինական կամուրջը 50 տոկոսով պատրաստ է:
Ինչպես հաղորդում է Gazeta.ru-ն, Չեկունովի խոսքով` կառուցման աշխատանքները նախատեսվում է ավարտել ժամանակին և կամուրջը շահագործման հանձնել 2018-ի հունիսի 9-ին:
Վերջինիս խոսքով` ներկայում շինհրապարակում շուրջ 400 մարդ է աշխատում: Աշխատանքները չեն դադարեցվել նաև ուժեղ սառնամանիքիների ժամանակ, այդ իսկ պատճառով կամրջի շինարարությունն արագ տեմպերով է ընթանում:
Փետրվարին հաղորդվում էր, որ Ամուրով անցնող կամրջի շինարարության նախագիծը ևս 110 մլն դոլար ֆինանսավորում է ստացել: