Ամերիկյան հայտնի The Huffington Post պարբերականն անդրադարձել Հայստանի եվրատեսիլյան մասնակցի ընտրությանը։
«Հայաստանը միշտ հրաշալի մասնակիցներ է ուղարկում «Եվրատեսիլ», այս տարին ևս բացառություն չէ։ «Դեպի Եվրատեսիլ» նախագծի հաղթող Արծվիկը հնարավոր է՝ «Եվրատեսիլը» տանի Հայաստան»,-գրել է պարբերականը:
The Huffington Post-ին հատկապես դուր է եկել Արծվիկի եզրափակչի ելույթը, որի ընթացքում երգչուհին կատարել է Ուիթնի Հյուսթոնի «I Have Nothing» հայտնի հիթը։
«Նա հրաշալի կատարեց այդ երգը։ Նրա տաղանդն ուղղակի աննկարագրելի է։ Ճիշտ ընտրված երգն ու բեմադրությունը նրան իսկապես կարող են հասցնել մրցույթի առաջին հորիզոնական»,- գրել է պարբերականը։
«Եվրատեսիլ» երգի մրցույթն այս տարի անց է կացվելու Կիևում՝ մայիսի 9-ին, 11-ին և13-ին: Արծվիկը մրցույթին ներկայանալու է «Fly With Me» երգով՝ առաջին կիսաեզրափակչի ժամանակ։
