Ford ընկերությունն անվտանգության բարձիկների տեխնոլոգիա է արտոնագրել, որը կօգնի փրկվել ավտոմեքենայի շրջվելու դեպքում:
Ինչպես հաղորդում է Motor.ru-ն` անվտանգության բարձիկը նախատեսվում է տեղակայել սրահի առաստաղին: Ըստ կառուցվածքի` բարձիկը տեղակայված է լինելու առաստաղի կաշեպատ մասի և տանիքի միջև, որը կփչվի մեքենայի կողաշրջվելու պարագայում:
Այն հավելյալ պաշտպանիչ շերտ կհանդիսաան ուղևորների համար` կանխելով գլուխով հարվածը կոշտ մակերեսին:
Արտոնագրում նշվում է, որ այս համակարգը կարող է ներմուծվել արդեն իսկ թողարկված մեքենաներում` առանց լուրջ լառուցվածքային փոփոխությունների:
Ընկերությունը չի նշում, թե երբ այս տեխնոլոգիան հասանելի կլինի մեքենաներում: