Մարտի 24-ին, Էջմիածնում սպառնացել են «Օհանյան-Րաֆֆի-Օսկանյան» դաշինքի շտաբի աշխատակիցներից մեկին: Այս մասին հայտնել է «Օհանյան-Րաֆֆի-Օսկանյան» դաշինքի մամուլի խոսնակ Արեգնազ Մանուկյանը:
Նրա խոսքով, Էջմիածնում առանց համարանիշի մեքենայով մի քանի օր «Օհանյան-Րաֆֆի-Օսկանյան» դաշինքի աշխատակիցներին հետապնդելուց հետո երեկ գիշերը մոտեցել են կենտրոնական շտաբի աշխատակիցներից մեկին, մեքենայից իջել է մի երիտասարդ եւ ատրճանակը պահելով նրա ճակատին՝ սպառնացել է ու զգուշացրել, որ չաշխատի դաշինքի օգտին:
Մանուկյանի խոսքով՝ իրենք հաղորդում են ներկայացրել ոստիկանություն:
