Shamshyan.com-ի տեղեկություններով՝ ժամը 19:00-ի սահմաններում Սոթք-Քարվաճառ ավտոճանապարհի 35-րդ կմ-ի «Հարուրի Ձոր» կոչվող հատվածում բախվել են Volkswagen Golf մակնիշի 35 AM 335 համարանիշի և УРАЛ մակնիշի ՊՆ 55 37 Տ համարանիշի ավտոմեքենաները: «Վթարի հետևանքով 2 ավտոմեքենաները կողաշրջվել են, իսկ Volkswagen-ն էլ մոտ 70 մետր գլորվել է ձորը: Վթարի հետևանքով 10 հոգի մարմնական վնասվածքներով տեղափոխվել են Վարդենիսի զինվորական հոսպիտալ: Վիրավորներից 6-ը պայմանագրային զինծառայողներ են»,- հայտնում է կայքը։
ՀՀ ՊՆ խոսնակի տեղեկացմամբ՝ վթարի հետևանքով 10 հոգի մարմնական վնասվածքներ են ստացել:
«Նրանց առողջական վիճակների գնահատական դեռևս չենք կարող տալ, առաջիկայում կտեղափոխենք Երևան»,- ասաց Արծրուն Հովհաննիսյանը:
Արծրուն Հովհաննիսյանի փոխանցմամբ՝ մյուս վիրավորները թեթև վնասվածքներով տեղափոխվել են Վարդենիսի զինվորական հոսպիտալ:
