«Հաց բերողի» մահվան պատճառը նրա երկորդ կալանավորումն էր, նման կարծիք հայտնեց ՕՐՕ դաշինքի պատգամավորի թեկնածու Վարդան Օսկանյանը, «Հաց բերողի» հոգեհանգստի ժամանակ լրագրողների հետ զրույցում:
«Անիմաստ տեղը կալանեցին չգիտես ինչի և դրա հետևանքը եղավ սա», - ասաց նա:
Դիտարկմանը, թե գուցե կալանավորումը կատարվել էր այն պատճառով, որ վերջինս ցանկություն ուներ սատարել ՕՐՕ դաշինքին՝ Օսկանյանն ասաց, որ նման տեղեկատվություն չունի, մինչդեռ եթե Արթուր Սարգսյանը ցանկանար միանալ իրենց, իրենք դեմ չէին լինի:
Նրա խոսքով՝ իշխանությունները հիմա ամեն ինչ անելու են «Հաց բերողի» մահվան հարցը քաղաքական հարթությունից իրավական հարթություն տեղափոխելու համար: Նա նաև նշեց, որ եթե իրենք լինեին իշխանություն, նման բան չէր լինի:
Առավել մանրամասն՝ տեսանյութում:
