Apple-ը քիչ առաջ ներկայացրել է իր նոր iPad-ը, որն առավել մատչելի է, քան նախորդ մոդելները:
Ինչպես տեղեկացնում է Business Insider-ը, նորագույն գաջեթը, որը ևս ներկայանում է 9.7 դյույմ անկյունագծով, ինչպես և iPad Pro մոդելը, գնահատվում է 329 դոլար` iPad Pro-ի 599 դոլարի համեմատ:
Նորագույն iPad-ը 32 ԳԲ հիշողություն ունի և համալրված է Wi-Fi-ով: Գինը կարող է բարձրանալ մինչև 459 դոլար, եթե գնորդը ցանկանա բջջային կապ ունենալ:
Այն ներկայանում է արծաթագույն, ոսկեգույն և տիեզերական մոխրագույն երանգներով: Պատվիրելու համար այն հասանելի կլինի մարտի 24-ից:
iPad Pro-ի և նորագույն պլանշետի հիմնական մեծ տարբերությունն այն է, որ առավել թանկարժեք մոդելն աշխատում Apple Pencil գրիչի օգնությամբ: