1$ = 0 AMD 1€ = 0 AMD

Արդյոք կարելի՞ է կոսմետիկ միջոցներ օգտագործել հղիության ընթացքում

Կինը ձգտում է գեղեցիկ երևալ իր կյանքի բոլոր փուլերում, և այդ պատասխանատու ու երջանիկ ժամանակահատվածը բացառություն չէ: Սակայն ապագա մայրերը մտածում են նաև կոսմետիկ միջոցների անվտանգության և օգտակարության մասին, ու ոչ միայն դրանց արտաքին ազդեցության մասին:
Ոմանք առհասարակ հրաժարվում են դեմքի և մարմնի խնամքի միջոցներից, դադարում են օգտագործել դեկորատիվ հարդարման միջոցներ կամ մազի ներկեր: Արդյոք հարկավո՞ր են նման զոհողություններ, երբ շուկայում գոյություն ունի հատուկ հղիների համար ստեղծված կոսմետիկայի մեծ ընտրություն:
Ընտրություն կատարելիս առաջին հերթին անհրաժեշտ է ուշադրություն դարձնել դրա բաղադրությանը. այն չպետք է պարունակի հորմոնալ բաղադրիչներ և կենդանական ծագում ունեցող նյութեր (լանոլին), քանի որ այդ միջոցները ազդում են ոչ միայն մայրիկի մաշկի վրա, այլև երեխայի վիճակի վրա:
Հղի կանանց ամենամեծ վախերից մեկը մաշկի վրա հղիության սպիների առաջացումն է: Դրանց կանխարգելման համար բժիշկները խորհուրդ են տալիս օգտագործել բնական բուսական (ձիթապտղի, ցորենի սերմերի կամ ժոժոբայի) կամ երեխաների համար նախատեսված յուղեր, որոնք հագեցած են նարնջի, խորդենու, ներոլիի, լավանդայի եթերայուղերով: Նախօրոք անհրաժեշտ է խորհրդակցել գինեկոլոգի հետ, քանի որ ալերգիայի առկայության դեպքում պետք է հրաժարվել դրանց կիրառումից:
Հաջորդ վախը կապված է ցելյուլիտի առաջացման հետ: Հղիության ընթացքում ցելյուլիտի առաջացումը պայմանավորված է հորմոնների ազդեցությամբ, և դրանց դեմ պայքարն անիմաստ է: Սակայն մաշկի ձգությունը հնարավոր է պահպանել ծովային աղով ոչ երկար լոգանքներ ընդունելով` հագեցած նարնջի կամ գրեյֆրուտի յուղով:
Քսուքների տեսանկյունից հարկավոր է խուսափել տաքացնող (պղպեղի յուղ) կամ սառեցնող (մենթոլ) բաղադրիչներից, քանի որ հղիության ընթացքում երակների վրա ծանրաբեռնվածությունն առանց այդ էլ մեծ է. այդ պատճառով էլ նման միջոցների օգտագործումը օրգանիզմի համար ավելորդ սթրես է:
Հիգիենայի պարագաներ ընտրելիս հարկավոր է հաշվի առնել օրգանիզմում տեղի ունեցող փոփոխությունները: Օրինակ, յուղոտ մազերը կարող են դառնալ չոր և կոտրվող: Արդյունքում սովորական շամպունը կամ այլ պարագաները այլևս կիրառելի չեն:
Որոշ շամպունների բաղադրության մեջ մտնում է մեթիլիզոտիազոլինոն: Այս նյութն արգելվում է օգտագործել հղիության ժամանակ, քանի որ դրա նույնիսկ աննշան ներթափանցումը մոր արյան մեջ կարող է առաջացնել պտղի նյարդային բջիջների անդառնալի փոփոխություններ:
Հակաբակտերիալ միջոցների օգտագործումը հղիության ընթացքում խստիվ արգելվում է:
Կանայք վախենում են նաև եղունգի լաքի և մազի ներկերի հնարավոր ազդեցությունից: Դրանք այդքան էլ ագրեսիվ չեն, իսկ հղիների հմաար կա բավականին մեծ ընտրություն: Այնուամենայնիվ, հարկավոր չէ անել կտրուկ փոփոխություններ. օրինակ, շիկահերից դանալ թխահեր կամ հակառակը:
Եթե կան կասկածներ որևէ կոսմետիկ միջոց օգտագործելու հետ կապված, ապա անպայման խորհրդակցեք ձեր բժշկի հետ:

loading...
Պատգամավորի օգնականը ինքնասպան է եղել դստեր գ... Բուլղարիայում ընտրատեղամասային հանձնաժողովի ղ... Հայաստանի հավաքականի ֆուտբոլիստների խաղային հ... Վե՛րջ տանք ընտրակեղծիքներին. տեսանյութ «Հաց բերողին սպանել են». միջադեպ Գյումրիում՝ ... Շիրակի մարզում նախատեսվում է 41 միլիոն դոլարի... Մաշտոցի պողոտայում ավտոմեքենաներ են բախվել. կ... Սերժ Սարգսյանը կոչ է անում չընտրել Նիկոլ Փաշի... Ճապոնիայում գրեթե 300 հազար հավ են ոչնչացրել ... 11 բան, որ տղամարդիկ կցանկանային ասել կանանց Մարզանքներ աչքերի համար Ալբանիայում Թրամփի անունով փողոց է անվանակոչվ... 7 բան, որ պետք է գաղտնի պահել Մի քանի նշան, որ կախվածություն ունես բջջային ... Մխիթարյանը 2 անգամ ավելի թանկ է Ղազախստանի ամ... Իսպանուհին իր այգում 3-աչքանի անհայտ էակ է հ... «Երկիր Ծիրանի» կուսակցությունը ներկայացնում է... Հյուսիսային Կորեան խոստացել է հարձակման դեպքո... Ինչպես փափկեցնել կրունկները Դատախազությունն ուսումնասիրելու է դպրոցների ո... Ֆիլիպինների խանութներից մեկում տղամարդը նռնակ... Շքեղ Mercedes AMG S63՝ Mansory-ից. ներկայացվե... Մոսուլում փլված շենքի տակից ավելի քան 60 զոհի... Ինչպե՞ս հաղթահարել այն ցավը, երբ սիրածդ մարդը... Իրանը հայտարարել է ամերիկյան 15 ընկերությունն...