«Հաց բերող» Արթուր Սարգսյանի խափանման միջոցը փոխելու հարցով Ազգային ժողովում ընթանում է ստորագրահավաք:
ԱԺ պատգամավոր Նիկոլ Փաշինյանը տեղեկացրել է, որ այս պահին, բացի Էդմոն Մարուքյանից և իրենից, ստորագրահավաքին միացել են պատգամավորներ «Ժառանգություն», ՀԱԿ, ԲՀԿ, ՕԵԿ, ՀՅԴ խմբակցություններից:
Ավելի վաղ տեղեկացրել էինք, որ ԱԺ պատգամավորներ Նիկոլ Փաշինյանն ու Էդմոն Մարուքյանը «Դատապարտյալների հիվանդանոց» ՔԿՀ-ում ծանոթացել են «Հաց բերող» Արթուր Սարգսյանի պահման պայմաններին։
«Նա 17 օր շարունակում է հացադուլը և, կարծես, դադարեցնելու մտադրություն չունի։ Մարուքյանը և ես պատրաստվում ենք հանդես գալ պատգամավորական երաշխավորությամբ և միջնորդել, որ Արթուրին կալանքից ազատեն», - Facebook-յան իր էջում գրել էր Նիկոլ Փաշինյանը։