Ամերիկացի դերասան Դին Քեյնը, ով հայտնի է «Սուպերմենի նոր արկածները» ամերիկյան հեռուստասերիալում գլխավոր հերոսի կերպարով, Հայաստանում է:
Վերջինս իր թվիթերյան էջում լուսանկարներ է հրապարակել Ծիծեռնակաբերդի հուշահամալիրից: Առաջին լուսանկարին կից նա կատարել է հետևյալ գրառումը. «Այս լուսանկարից հավանաբար կդժվարանաք գլխի ընկնել, թե որտեղ եմ: Շատ կարևոր հուշահամալիրում եմ»:
Երկրորդ լուսանկարին կից նա գրել է. «Նրանց համար, ով գուշակեց, ես Հայաստանում եմ, Հայոց ցեղասպանությանը նվիրված հուշահամալիրում»:
Ինչպես նշվում է դերասանի էջում, նա նոր նախագիծ է սկսել, որի շրջանակներում պետք է լուսանկարից գուշակել, թե որտեղ է վերջինս գտնվում:
