ԱՄՆ նախագահ Դոնալդ Թրամփը հայտարարել է, որ իր պաշտոնավարության առաջին ամսում ԱՄՆ-ի արտաքին պարտքը նվազել է շուրջ 12 մլրդ ԱՄՆ դոլարով: Այս մասին նախագահը հայտնել է Twitter-ի իր պաշտոնական էջի միջոցով:
Թրամփը նկատել է, որ ամերիկյան լրատվամիջոցները կողմնակալ վերաբերմունք են ցույց տվել այս հարցում և գրեթե չեն անդրադարձել այդ նորությանը:
«Լրատվամիջոցները չհայտնեցին այն մասին, որ իմ պաշտոնավարման առաջին ամսում ԱՄՆ-ի արտաքին պարտքը նվազել է 12 մլրդ դոլարով: Այն դեպքում, երբ Օբամայի պաշտոնավարման առաջին ամսում այն աճել էր 200 մլրդ-ով», - գրել է Թրամփը:
