«Ջաբհաթ Ֆաթհ աշ-Շամ» («Ֆրոնտ ան-Նուսրա») ծայրահեղական խմբավորումը ստանձնել է Սիրիայի Հոմս քաղաքում շաբաթ օրվա պայթյունների շարքի պատասխանատվությունը: Այս մասին հայտնում է BBC-ն:
Խմբավորման հաղորդագրության համաձայն՝ հարձակմանը «Ջաբհաթ Ֆաթհ աշ-Շամի» 5 գրոհային է մասնակցել:
Մարդու իրավունքների մոնիթորինգի սիրիական կենտրոնի տվյալներով՝ պայթյունների հետևանքով առնվազն 42 մարդ է զոհվել:
Հոմս նահանգի իշխանություններն ավելի վաղ հաստատել են պայթյունների մասին տեղեկությունները և հայտնել, որ պայթյունների զոհ է դարձել առնվազն 32 մարդ: