Քրիստոնյաները, որոնք շահագործում են մարդկանց, երկակի կյանք են վարում ու ներքաշվում են «կեղտոտ գործերի» մեջ, խայտառակում են եկեղեցին: CNN-ի փոխանցմամբ` այս խոսքերով Հռոմի Ֆրանցիսկոս պապը հանդես է եկել Հռոմում հինգշաբթի տեղի ունեցած ելույթի ժամանակ:
Այս մասին խոսելով` քահանայապետը հավելել է, որ ավելի լավ է աթեիստ լինել, քան ագահ քրիստոնյա: «Որքան ենք լսում մեր շրջապատում և ամենուր նման մարդկանց մասին: Նրանք վիրավորում են ուրիշներին: Նման կերպ կաթոլիկ լինելու փոխարեն ավելի լավ է աթեիստ լինել», - ընդգծել է Հռոմի պապը:
Ֆրանցիսկոս պապը շեշտել է, որ նման մարդիկ քայքայում են եկեղեցին: Պապի խոսքով` նման մարդիկ մեղսավոր են, քանի որ ստիպում են ուրիշների ևս ստել և կեղծավորություն անել:
