Ռուս պատգամավոր Վլադիմիր Պետրովը չի ներկայացել շրջանային խորհրդարանի նիստին` օգնականին խնդրելով իր տեսքով ստվարաթղթե պատկեր տանել իր փոխարեն:
Ինչպես ընդգծում է The Independent-ը` վկայակոչելով տեղի լրատվամիջոցը, այսպես պատգամավորը ցանկացել է իր գործընկերների ուշադրությունը հրավիրել այն փաստի վրա, որ շատերը ներկա չեն գտնվում խորհրդարանակա նիստերին: Միջադեպը տեղի է ունեցել Լենինգրադի մարզի խորհրդարանում:
Այս քայլը բարկության ալիք է բարձրացրել մյուս պատգամավորների շրջանում: Նրանցից ոմանք պահանջել են անգամ կալանավորել Պետրովի օգնականին:
Համենայն դեպս, այս քայլը նաև զվարճացրել է պատգամավորներից ոմանց: Լենինգրադի փոխնահանգապետն անգամ լուսանկարվել է ստվարաթղթե կերպարի հետ` ասելով. «Սա իմ Պետրովն է»:
Ռուսական ԶԼՄ-ների հաղորդմամբ` Պետրովը նիստին չի կարողացել ներկա գտնվել ոտքի կոտրվածքի պատճառով: