Սիրիայի բանակը դաշնակից աշխարհազորի ջոկատների աջակցությամբ իր վերահսկողության տակ է վերցրել Դեյր էզ Զոր քաղաքի՝ հարավային ծայրամասի Մակաբեր շրջանի ռազմավարական բարձունքները, հայտնում է SANA գործակալությունը:
Այդ տվյալների համաձայն՝ կառավարական ուժերի և ԴԱԻՇ-ի զինյալների միջև դաժան մարտերը բռնկվել են փետրվարի 22-ի երեկոյան: Բախումներից մի քանի ժամ անց զինվորականները հաջող հարձակում են իրականացրել դեպի Թելետ Շուեյբ ռազմավարական բարձունքի` ոչնչացնելով և վիրավորելով տասնյակ զինյալների: Հակառակորդի մնացած մասը նահանջել է մարտի դաշտից:
Ինչպես նշում է գործակալությունը, Թելետ Շուեյբի վերահսկողության վերականգնումը կարևոր փուլ է Մաքաբերի ազատագրման, ինչպես նաև ռազմական օդանավակայանը և Դեյր էզ Զորի արևմտյան թաղամասերը շրջափակումից հանելու համար, որտեղ ապրում է մոտ 1300 ընտանիք: