Հայաստանի և Ռուսաստանի ԱԳ նախարարները ՌԴ ԱԳՆ ընդունելությունների տանը բացել են արխիվային փաստաթղթերի ցուցահանդեսը՝ նվիրված հայ-ռուսական դիվանագիտական հարաբերությունների 25-ամյակին: Այս մասին հայտնում է «ՌԻԱ Նովոստին»:
«Այս ընթացքում մենք սերտորեն զարգացրել ենք մեր դաշնակցային և ռազմավարական գործընկերային հարաբերությունները ՄԱԿ-ում, ՀԱՊԿ-ում, ԵՏՄ-ում, ԵԱՀԿ-ում, միջազգային այլ կազմակերպություններում»,- ցուցահանդեսի բացմանն ասել է Սերգեյ Լավրովը:
Լավրովն ասել է, որ այս ցուցահանդեսը երկու երկրների միջև դիվանագիտական հարաբերությունների զարգացման 25-ամյակին նվիրված միջոցառումներից առաջինն է:
Նախարարը նաև տեղեկացրել է, որ Էդվարդ Նալբանդյանից Հայաստան այցելելու հրավեր է ստացել:
«Մենք ընդունում ենք հրավերը, համաձայնեցնում ենք օրակարգն ու այցի ծրագիրը»,- ամփոփել է Լավրովը:
Երկու երկրների ԱԳ նախարարները նաև երկկողմ բանակցություններ են անցկացնելու: