Հնդկաստանում անհայտ տղամարդը հարձակվել է գերմանացի զբոսաշրջուհու վրա, հաղորդում է The New Indian Express թերթը:
Աղբյուրի տվյալների համաձայն` միջադեպը տեղի է ունեցել փետրվարի 20-ին` Մայսուր քաղաքի մոտակայքում: 32-ամյա կինը բարձրացել է բնակավայրի մոտակայքում գտնվող բլուրներից մեկը և բարձունքից դիտել մայրամուտը:
Նշվում է, որ մթնելուն պես կինը սկսել է իջնել բլրից, և այդ պահին անհայտ տղամարդը սկսել է հետապնդել նրան: Անհայտը բռնել է կնոջը և սկսել շոշափել նրան:
Գերմանուհին դիմադրություն է ցուցաբերել, և հարձակվողը կծել է նրան: Կինն օգնության է կանչել անցորդներին, ինչից հետո տղամարդը փախուստի է դիմել` նրանից առևանգելով 38 դոլար:
Ներկա պահին տեղական ոստիկանությունը որոնում է հանցագործին: