Samsung ընկերությունը որոշել է շուկա վերադարձնել Galaxy Note 7 սմարթֆոնը, որը հայտնի է իր «պայթուցիկությամբ»: Այս մասին հայտնում է Hankyung պարբերականը:
Աղբյուրի հաղորդմամբ` նախկինում թույլ տրված ձախողումների ռիսկը նվազեցնելու համար արտադրողն արդիականացում է իրականացրել և մարտկոցը փոխարինել ավելի հուսալի մարտկոցով:
Նշվում է, որ Samsung-ը պլանավորում է վաճառել արդիականացված սմարթֆոնները միայն զարգացող երկրների, մասնավորապես` Հնդկաստանի և Վիետնամի, շուկաներում: Չի բացառվում, որ սմարթֆոնը վաճառքի կհանվի նաև Հարավային Կորեայում` մինչև Galaxy Note 8-ի թողարկումը: