Հայաստանի և Ռուսաստանի ԱԳ նախարարներ Էդվարդ Նալբանդյանը և Սերգեյ Լավրովը Մոսկվայում կայանալիք բանակցությունների ընթացքում կքննարկեն երկկողմ համագործակցության, միջազգային և տարածաշրջանային քաղաքականության վերաբերյալ հարցեր. այս մասին ասված է ՌԴ ԱԳՆ պաշտոնական մեկնաբանության մեջ` նվիրված Նալբանդյանի՝ Մոսկվա կատարելիք պաշտոնական այցին:
«Այցը կլինի հայ-ռուսական հարուստ երկխոսության տրամաբանական շարունակությունը՝ միտված քաղաքական, առևտրատնտեսական և հումանիտար ոլորտներում հետագա սերտ համագործակցությանը»,- ասված է ՌԴ ԱԳՆ մամուլի հաղորդագրությունում:
Նշենք, որ ՀՀ ԱԳ նախարարը Մոսկվա կայցելի փետրվարի 21-23-ը: